បុរសម្នាក់កុំពុងតែជិះម៉ូតូតាមផ្លូវហាណូយត្រូវបានរថយន្តមិនចាំម៉ាកនិងស្លាកលេខបុកស្លា ប់ រត់គេចខ្លួនបាត់ស្រមោល...

ភ្នំពេញ÷រថយន្តមិនចាំម៉ាកនិងស្លាកលេខបើកបុកបុរសម្នាក់ ដែលកំពុងជិះម៉ូតូដឹកធុងត្រីដំណើរតាមបណ្ដោយផ្លូវហាណូយពេញទំហឹងបណ្ដាលឲ្យស្លា ប់បាត់បង់ជីវិតយ៉ាងអាណោចអាធ័ម។

ហេតុការណ៍គ្រោះថ្នាក់ចរាចរណ៍ដ៏គួរឲ្យរន្ធត់មួយនេះបានកើតឡើងកាលពីវេលាម៉ោង០៣នឹង៣៥នាទីយប់ ថ្ងៃទី០៦ ខែកញ្ញា ឆ្នាំ២០២១នេួ ស្ថិតតាមបណ្ដោយផ្លូវហាណូយ ក្នុងសង្កាត់ភ្នំពេញថ្មីខណ្ឌសែនសុខ រាជធានីភ្នំពេញ ។

ជនរងគ្រោះមាន ឈ្មោះ ឡុក ថុន ភេទប្រុស កើតនៅឆ្នាំ១៩៥៦ មានស្រុកកំណើតរស់នៅ ឃុំ ព្រៃទឹង ស្រុកស៊ីធរកណ្ដាល ខេត្តព្រៃវែត(ស្លាប់)

យោងតាមប្រភពព័ត៌មានពីកន្លែងកើតហេតុបានឲ្យដឹងថា នៅមុនពេលហេតុការណ៍នេះបានកើតឡើងគេបានឃើញបុរសម្នាក់ជិះម៉ូតូម៉ាកសង់កូរ៉េពណ៌កំបោរមួយគ្រឿងគ្មានស្លាកលេខ ជិះធ្វើដំណើរម្នាក់ឯងមានដឹកធុងដាក់ត្រីមួយនៅពីក្រោយ តាមបណ្ដោយផ្លូវហាណូយ  ខណៈពេលមកដល់ត្រង់នឹងចំណុចទល់មុខនឹងក្លោងទ្វារវត្តសំរោងអណ្ដែតក៏ស្រាប់តែមានរថយន្តមួយគ្រឿងមិនចាំម៉ាកនិងស្លាកលេខបើកបុកពេញទំហឹងបណ្ដាលឱ្យជនរងគ្រោះស្លា ប់បាត់បង់ជីវិតនៅនឹងកន្លែងកើតហេតុ រីឯរថយន្តបង្កបានបន្តព្យាយាមបើករត់គេចខ្លួនបាត់ស្រមោល។

ក្រោយកើតហេតុសមត្ថកិច្ចមូលដ្ឋានក៏បានចុះទៅដល់ដើម្បីត្រួតពិនិត្យមើលរួចរាល់ ទើបទាក់ទងទៅភ្នែកជំនាញចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញឱ្យចុះមកធ្វើការវាស់វែងនិងយកម៉ូតូជនរងគ្រោះទៅរក្សាទុកជាបណ្ដោះអាសន្នសិនរោងចាំបងប្អូនយកកាតគ្រីនឹងលិខិតមកបញ្ជាក់គ្រប់គ្រាន់សមត្ថកិច្ចយើងនិងប្រគល់ទៅឲ្យវិញ រីឯរថយន្តបង្កសមត្ថកិច្ចកំពុងតែស្រាវជ្រាវនិងស្វែងរកឃាត់ខ្លួនយកមកផ្ដន្ទាទោសទៅតាមលីតិវិធី។

ចំណែកសាកសពត្រូវបានសមត្ថកិច្ចធ្វើកំណត់ហេតុនិងកុសល្យវិច្ច័យរួចហើយក៏បានប្រគល់ទៅឲ្យសាច់ញាតិនិងក្រុមគ្រួសារយកទៅធ្វើបុណ្យតាមប្រពៃណី។