ខ្លាំងប៉ះខ្លាំង ក្រុមឈ្មួញឈើកំពូលឌឺ ប៉ះកងកម្លាំងកងរាជអាវុធហត្ថស្រុកចិត្របុរី លទ្ធផល​ចុងក្រោយ (០)!​

ខេត្តក្រចេះ ៖ នៅព្រឹកថ្ងៃទី០៧ ខែសីហា ឆ្នាំ២០២១នេះ ក្រោយបានទទួលបទបញ្ជាពី លោកឧត្ដមសេនីយ៍ត្រី សាន្ដ ប៊ុនថាន មេបញ្ជាការ​កងរាជអាវុធហត្ថខេត្តក្រចេះ លោក អុឹម ចិត្រា មេបញ្ជាការ​មូលដ្ឋាន​កងរាជអាវុធហត្ថស្រុកចិត្របុរី បានដឹកនាំកម្លាំងចុះបង្ក្រាបចាប់ឃាត់ ម៉ូតូសណ្តោងរម៉កដឹកឈើខុសច្បាប់ចំនួន១គ្រឿង នៅចំណុចភូមិ ១០៥ ឃំុថ្មី ស្រុកចិត្របុរី ខេត្តក្រចេះ ។

      ម៉ូតូសណ្តោងរម៉កដឹកឈើខាងលើ ត្រូវបានគេដឹងថាជាកម្មសិទ្ធរបស់លោក ធី រស់នៅភូមិថ្មី ឃុំថ្មី ស្រុកចិត្របុរី ខេត្តក្រចេះ។​

      បច្ចុប្បន្ន វត្ថុតាងខាងលើ ត្រូវបានកងកម្លាំងបញ្ជាការមូលដ្ឋានកងរាជអាវុធហត្ថស្រុកចិត្របុរី ប្រគល់ឲ្យទៅខាងមន្ត្រីជំនាញរដ្ឋបាលព្រៃឈើកន្ទួត ដើម្បីកសាងសំនុំរឿងចាត់ការបន្តតាមនីតិវិធីច្បាប់ស្ដីពីព្រៃឈើ៕