ឯកឧត្តម សុខ លូ អញ្ជើញទទួលអំណោយ ពីឯកឧត្តម ឡាញ់ នី និងលោកជំទាវ នៅសាលាខេត្តបាត់ដំបង

នៅព្រឹកថ្ងៃសុក្រ ១៥កើត ខែអស្សុជ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី០៥ ខែវិច្ឆិកា ឆ្នាំ២០២១ ឯកឧត្តម សុខ លូ អភិបាល នៃគណៈអភិបាលខេត្តបាត់ដំបង អញ្ជើញទទួលអំណោយ ពីឯកឧត្តម ឡាញ់ នី និងលោកជំទាវ ជូនដល់រដ្ឋបាលខេត្តបាត់ដំបង ដែលក្នុងនោះរួមមាន ៖ 

-អង្ករចំនួន៥តោន

- ទឹកសុទ្ធចំនួន២០០យួរ 

-ទឹកស៊ីអីវ២០យួរ  

-ទឹកត្រី២០យួរ

-ទឹកម្ទេសចំនួន១០យួរ

ឆ្លៀតក្នុងឱកាសនោះ ឯកឧត្តម សុខ លូ បានមានប្រសាសន៍ថ្លែងអំណរគុណ ជូនដល់ឯកឧត្តម ឡាញ់ នី និងលោកជំទាវ ដែលបានចំណាយនូវធនធានផ្ទាល់ខ្លួន មានជាអង្ករ និងគ្រឿងឧបភោគបរិភោគមួយចំនួន ជូនដល់រដ្ឋបាលខេត្តបាត់ដំបង ក្នុងនាមមនុស្សធម៌ ដើម្បីឲ្យរដ្ឋបាលខេត្តបាត់ដំបងធ្វើការចាត់ចែងបន្ត ជូនដល់ជនងាយរងគ្រោះផ្សេងៗ ក្នុងភូមិសាស្រ្ដខេត្តបាត់ដំបង ៕