រឿងទំនាស់ដីធ្លីរវាងលោកផ្កាយពីរ អ៊ុំ ណាគ្រី ឈូសឆាយរំលោភបំពានលើដីចម្ការវិលជុំរបស់ជនជាតិដើមភាគតិចក្នុងភូមិពូឆប ឃុំសែនមនោរម្យ ស្រុកអូររាំង ខេត្តមណ្ឌលគិរី

ខេត្តមណ្ឌលគិរី % កាលពីថ្ងៃទី 22 ខែតុលាឆ្នាំ 2021 មានគ្រឿងចក្រឈូសឆាយដីព្រៃនៅចំណុចភូមិពូឆប ឃុំសែនមនោរម្យ ស្រុកអូររាំងខេត្តមណ្ឌលគិរី ដែលមានមេការមកអាងថាជាគ្រឿងចក្រឈូសឆាយដីក្រុមហ៊ុន អ៊ូជីសាន អិល អេស គ្រុប  ដោយគ្រប់គ្រងដោយលោកនាយកក្រុមហ៊ុន អុំណាគ្រី ដែលសព្វថ្ងៃនេះ លោកអុំ ណាគ្រី បានកំពុងតែឈរបញ្ជាពីក្រោយខ្នងឲ្យគ្រឿងចក្រឈូសឆាយដីចម្ការវិលជុំរបស់បងប្អូនប្រជាពលរដ្ឋជនជាតិខ្មែរដើមភាគតិច ដើម្បីយកធ្វើជាកម្មសិទ្ធិរបស់ខ្លួន នៅក្នុងសម័យកាលដីឡើងថ្លៃនេះតែម្ដង ប្រជាពលរដ្ឋខ្មែរដើមភាគតិច សូមសំណូមពរទៅដល់លោកអភិបាលនៃគណៈអភិបាលខេត្តមណ្ឌលគីរីឯកឧត្តម ថង សាវុន ឲ្យជួយអន្តរាគមន៍និងរកដំណោះស្រាយជូនពួកគាត់ផង