ភ្នំពេញ៖ បុរសជាអ្នករត់កង់បីម្នាក់ មិនដឹងមានវិបត្តិអ្វីនោះទេ ត្រូវបានគេប្រទះឃើញលោ.តពីលើស្ពានជ្រោយចង្វាចាស់ ដោយបន្សល់ទុកម៉ូតូកង់បីឥណ្ឌាមួយគ្រឿង និងស្បែកជើងផ្ទាត់មួយគូរនៅលើស្ពាន បង្កការភ្ញាក់ផ្អើលកាលពីវេលាម៉ោង៤និង៣០នាទីទៀបភ្លឺថ្ងៃទី៦ ខែសីហា ឆ្នាំ២០២១ នៅចំណុចពាក់ស្ពានជ្រោយចង្វាចាស់ ស្ថិតក្នុងសង្កាត់ស្រះចក ខណ្ឌដូនពេញ រាជធានីភ្នំពេញ ។
បុរសរងគ្រោះខាងលើមិនត្រូវបានស្គាល់អត្តសញ្ញាណនោះទេ។
តាមប្រភពពីបុរសជាអ្នករត់ម៉ូតូកង់បីឥណ្ឌាម្នាក់ដែលបានឃើញហេតុការណ៍ផ្ទាល់បានរៀបរាប់ឱ្យដឹងថា មុនពេលកើតហេតុ ខណៈពេលដែលគាត់បើកម៉ូតូកង់បីឥណ្ឌាឡើងលើស្ពានជ្រោយចង្វារចាស់ ក្នុងទិសដៅពីលិចទៅកើត លុះមកដល់ពាក់កណ្ដាលស្ពាន ក៏ប្រទះឃើញបុរសរងគ្រោះ មានអាយុជិត៤០ឆ្នាំ ស្លៀកខោខ្មៅជើងវែង និងពាក់អាវក្រណាត់ដៃវែង ពណ៌ស ឈរនៅក្បែរម៉ូតូ កង់បីឥណ្ឌាមួយគ្រឿង ពណ៌ស ពាក់ស្លាកលេខ ភ្នំពេញ 1HZ-5832 ។ នៅពេលឃើញបែបនេះ គាត់មានការសង្ស័យក៏ឈប់ម៉ូតូកង់បីពីចម្ងាយមើលឃើញបុរសរងគ្រោះឈរមើលឆ្វេងមើលស្តាំ ទាំងទឹកមុខបែបសោកសៅ លុះរំលងបាន៥នាទី ស្រាប់តែបុរសរងគ្រោះរូបនោះសម្រេចចិត្តលោ.តទឹកតែម្តង ភ្លាមៗនោះរូបគាត់ព្យាយាមរត់ទៅជួយឃាត់ដែរ ប៉ុន្តែមិនអាចទៅជួយឃាត់ទាន់ឡើយ ព្រោះនៅឆ្ងាយពីគ្នា ។
ក្រោយកើតហេតុ ម៉ូតូកង់បីមួយគ្រឿង និងស្បែកជើងមួយគូ ដែលបន្សល់ទុកនៅលើស្ពាន ត្រូវបានសមត្ថកិច្ចប៉ុស្តិ៍នគរបាលស្រះចក យកទៅរក្សាទុកបណ្តោះអាសន្ននៅប៉ុស្តិ៍នគរបាល និងប្រកាសរកក្រុមគ្រួសារសាច់ញាតិរបស់ជនរងគ្រោះ ដើ់ម្បីឱ្យមកទទួលយកទៅវិញ ៕
No comments:
Post a Comment