បែកធ្លាយឯកសារ មេឃុំដាក់ដាំ ចុះហត្ថលេខា មុន (​លើ​ឯកសារ) ពាក្យ​ស្នើ​​សុំកាន់កាប់ដីធ្លី និងលិខិតផ្ទេរសិទ្ធិ រាប់ពាន់សន្លឹក និង​របាយ​ការណ៍​របស់​លោក​ សៀក មុន្នី អភិបាលស្រុកអូររាំង រាយការណ៍ជូនលោកអភិបាលនៃគណៈអភិបាលខេត្តខេត្តមណ្ឌលគិរី ជារបាយការណ៍មិនទាន់សុក្រិត

ខេត្តមណ្ឌលគិរី នៅថ្ងៃទី 30 ខែសីហាឆ្នាំ 2021 ក្រោមការសំណូមពររបស់នាក់ស្រីឡាច ភ្លើល មកអង្គភាពសារព័ត៌មានបណ្ដាញព័ត៌មានថ្មី N3 ហេីយក្រុមការងារបណ្ដាញព័ត៌មានថ្មីយើងខ្ញុំបានចុះផ្តិតរូបភាពលេីទំនាស់​ដីចំការទំហំ ៧០០ម៉ែត្រ គុណនឹង ១០០០ម៉ែត្រ ជាដីកម្ម​សិទ្ធិ​របស់ឈ្មោះ ឡាច ព្លើល ហៅ ឡាច ស៊ីថា ជនជាតិដើមភាគ​តិច (ព្នង) បានកាន់កាប់និងអាស្រ័យផលតាំងពីឆ្នាំ ១៩៨៨ មកម្លេះ ប៉ុន្តែត្រូវបានឈ្មោះ ទន់ សៀង ឌី ឃុបឃិតជាមួយអាជ្ញាធរ​មូល​ដ្ឋានក្លែងបន្លំឯកសារ ដើម្បី​លក់ជាបន្តបន្ទាប់ទៅឱ្យលោកវីរៈសេនីយ៍ឯក សុផាត សេរីវុទ្ធី អង្គភាពទីចាត់ការការងារព្រំដែនអគ្គបញ្ជាការហើយលោកវីរៈសេនីយ៍ឯក សុផាត សេរីវុទ្ធី តែង​តែ​គម្រាមដល់ឈ្មោះ ឡាច ព្លើល និងឈ្មោះ អ៊ុន គា ត្រូវជា​កូនប្រសារ និងថែមទាំងប្តឹងម្ចាស់ដីស្រប​ច្បាប់​ទៅ​កាន់​អយ្យការ​អមសាលា​ដំបូង​ខេត្ត​មណ្ឌល​គិរី កន្លងមកផងដែរ ។ 

ហើយក្រុមការងារបណ្ដាញព័ត៌មានថ្មីយើងខ្ញុំបានទទួលឯកសារបែក​ធ្លាយ​​​ពីប្រជាជន​រងគ្រោះជាច្រើននាក់ផ្សេងៗទៀត (សុំមិនបញ្ចេញ​ឈ្មោះ)​ ដែលពួកគាត់​រស់នៅក្នុង​ខេត្ត​មណ្ឌលគិរី បានឱ្យដឹងថា ៖ លោក អើត ប៊ុន្នី មេឃុំដាក់ដាំ និងមេភូមិ បានឃុបឃិតគ្នាចុះ​ហត្ថលេខា​ (មុន) លើឯក​សារ (ពាក្យ​ស្នើ​សុំ​កាន់​កាប់ដីធ្លី) ជាច្រើនម៉ឺនពាន់សន្លឹក ទុក​សម្រាប់ ក្លែងបន្លំយកដីប្រជាជន និងយកដីរដ្ឋ ត្រៀមរៀបចំដីទុក​លក់​​ឱ្យក្រុមឈ្មួញ ផ្សេងៗ ដែលប្រជាជនរស់នៅទីនោះ​បានត្រឹម​តែ​ទឹកភ្នែក និងមិនអាចតវ៉ាអ្វីបាន​តាមផ្លូវ​ច្បាប់ឡើយ ។ 

លេីករណីនេះ ក្រុមការងារបណ្ដាញព័ត៌មានថ្មីយេីងខ្ញុំនិងបន្តតាមដាន សិក្សាស្រាវជ្រាវ​បន្ថែម​លើ​ឯកសារពាក់ព័ន្ធវិវាទដីធ្លី  ដើម្បីស្វែងរកការពិតនិងធ្វើការផ្សព្វផ្សាយឲ្យដឹងដល់ប្រមុខថ្នាក់ ដឹកនាំរាជរដ្ឋាភិបាលកម្ពុជា និងសម្តេច ក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានជ្រាបជាព័ត៌មាន និងមានវិធានការដាក់ទោសទណ្ឌទៅលើមន្ត្រីខិលខូចមួយចំនួន និងផ្តល់យុត្តិធម៌ដោះស្រាយដីធ្លីជូនប្រជាជន បានកាន់កាប់វិញ  ហើយកន្លងមកពាក់ព័ន្ធការដោះស្រាយទំនាស់ដីធ្លី ស្ថិតនៅភូមិពូត្រែង ឃុំដាក់ដាំ រវាងនាក់ស្រី ឡាច ព្លើល និងឈ្មោះ ទន់ សៀងឌី និងឈ្មោះ សុផាត សេរីវុទ្ធី គឺការរាយការណ៍ មិនទាន់មានភាព​សុក្រិត​ត្រឹមត្រូវ និងយុត្តិធម៌នៅឡើយទេ ជារបាយការណ៍ភូតកុហក់ខ្លះៗច្រើនជាង ដោយសារការប្រជុំដោះស្រាយម្តងៗ លោកវរសេនីយ៍ឯក សុផាត សេរីវុទ្ធី អង្គភាពទីចាត់ការការងារព្រំដែនអគ្គបញ្ជាការ មិន​ដែល​មាន​វត្តមាន ឬមកចូលរួមការដោះស្រាយជាមួយគ្នា នៅសាលា​ស្រុកអូរ​រាំង​​ម្តង​ណា​ឡើយ (នេះបើតាមការអះអាង​របស់​ឈ្មោះ ឡាច ព្លើល) និង​បូករួមឯកសារទិញលក់ និង​ឯកសារផ្ទេរ​សិទ្ធិ​ដីធ្លី​ ហើយក៏មានការចុះហត្ថលេខា លើឯកសារកន្លងមកខាងលើនេះ តេីលោកអភិបាលស្រុកអូររាំង លោក សៀក មិនី មានបានដឹងរឿងនេះដែរឬទេ ។

រាល់ជុំវិញធ្វើការផ្សព្វផ្សាយរឿងខាងលេីនេះក្រុមការងារយើងខ្ញុំពុំទាន់សុំធ្វើការបំភ្លឺពីភាគីម្ខាងទៀតបាននោះទេដោយសារគ្មានលេខទូរស័ព្ទ។